2023-cü il iyunun 9-da U-Train layihəsi çərçivəsində onlayn görüş keçirildi.

Qeyd edək ki, U-Train - “Müharibə dövründə və ondan sonra onlayn dərs keçmək üçün təlim” birgə layihəsi Stokholm Universiteti, Xəzər Universiteti, İvan Franko adına Lvov Milli Universiteti və Ukraynanın distant təhsil sistemindən ibarət konsorsium əsasında hazırlanıb.

Görüş Xəzər Universitetinin İnkişaf Mərkəzinin Layihə meneceri Səlimə Əhmədovanın giriş sözü ilə başladı. Sonra Beynəlxalq əlaqələr üzrə prorektor Vlad Vernygora layihənin İsveç səfərində baş verən hadisələrdən hazırladığı təqdimatla çıxış edib, görülən işlər və qarşıda duran məsələlərlə bağlı ətraflı məlumat verdi.

Görüşdə, həmçinin, Xəzər Universitetindən Humanitar, təhsil və sosial elmlər fakültəsinin dekanı Elza Səmədova və Təlim və Tədris Mərkəzinin direktoru Ülkər Bayramova da iştirak etmiş, qarşıda duran məsələlərlə bağlı öz fikirlərini bildirmişlər.