2023-cü il iyunun 13-də Xəzər Universitetində Hüquq departamentinin təşkilatçılığı ilə Azərbaycanın İnsan Hüquqları üzrə Müvəkkili tərəfindən elan olunmuş İnsan Hüquqları Aylığı (18 may - 18 iyun) çərçivəsində seminar keçirildi.

Seminarın açılışında Xəzər Universitetinin rektoru dosent İradə Xəlilova çıxış etdi. Hüquq departamentinin müdiri Cabir Xəlilov məruzəçiləri təqdim edərək, onlara çıxış üçün söz verdi.

Səadət Novruzova (Azərbaycan Respublikası Prezidentinin Administrasiyası), Müqalib Mahmudov (Azərbaycan Respublikasının Ombudsman Aparatı), Akif Əlizadə (Xəzər Universiteti) və Zöhrə Məmmədova (Xəzər Universiteti) insan hüquqlarının müxtəlif mövzularına aid məruzələrlə çıxış etdilər.

Məruzələr ətrafında fəal müzakirələr keçirildi. Sonda Cabir Xəlilov iştirakçılara dərin minnətdarlığını bildirərək, gələcəkdə belə tədbirlərin daha geniş formatda keçirilməsinə ehtiyac olduğunu vurğuladı.