2023-cü il iyunun 9-da Xəzər Universitetinin İngilis dili və ədəbiyyatı departamentinin Manisa Celal Bayar Universitetinin İngilis dili departamenti ilə onlayn görüşü keçirildi. Görüşün əsas məqsədi ingilis dili və ədəbiyyatı departamentinin hər il təşkil etdiyi “Dil, Ədəbiyyat və Dilçilik Fəlsəfəsi” adlı beynəlxalq konfransı növbəti il Manisa Celal Bayar Universiteti ilə birgə məhz həmin universitetdə keçirmək idi.

Görüşdə Xəzər Universitetinin İngilis dili və ədəbiyyatı departamentinin müdiri Dr. Milana Abbasova və departamentin əməkdaşları Dr. Davud Kuhi, Gülnur Nəbiyeva, Tamella Məmmədli, Könül Hacıyeva və Manisa Celal Bayar Universitetinin İngilis dili departamentinin müdiri Maryam Ayan və müəllimləri Dos. Dr. Murat Göç, Dos. Mahinur Akşehir, Dr. Mürüvvet Mira və Pınar Dolaykaya iştirak etdilər. Görüşdə konfransla bağlı müxtəlif məsələlər müzakirə olundu və növbəti görüşün vaxtı təyin edildi.