Bakıda açılışı 2023-cü il iyunun 5-də olmuş II Türk Dünyası Ədəbiyyat və Kitab festivalında Xəzər Universitetinin də stendi fəaliyyət göstərir və universitetin nəşrləri nümayiş etdirilir.
Hüseyn Cavid prospektində AMEA-nın binasının qarşısındakı parkda keçirilən festival Beynəlxalq Türk Müəllifləri Birliyinin təşkilatçılığı, TÜRKSOY, TÜRKPA, Yunus Əmrə İnstitutu, İLESAM Azərbaycan Yazıçılar Birliyi (AYB), Azərbaycan Respublikası Mədəniyyət Nazirliyi, Milli Məclisin Mədəniyyət komitəsi, AMEA və digər qurumların dəstəyi ilə gerçəkləşir.
İyunun 11-dək davam edəcək festivalın hər günü bir ölkənin adı ilə – Azərbaycan, Türkiyə, Qazaxıstan, Qırğızıstan, Türkmənistan, Özbəkistan və Macarıstan günü kimi adlandırılır.
Tədbirdə yazıçılarla görüş, imza günləri, şeir saatları, film nümayişləri təşkil olunur.