2023-cü il iyunun 2-də Xəzər Universitetində Beynəlxalq Sinxron Tərcüməçilər Assosiasiyasının ilk azərbaycanlı üzvü və Fransa prezidenti və hökumətinin akkreditasiyalı tərcüməçisi Elvin Abbasbəyli ilə görüş keçirilib. Elvin Abbasbəyli Fransada dövlət səviyyəsində tərcüməçi olan ilk azərbaycanlıdır.

Görüşdə İngilis dili və ədəbiyyatı departamentinin müdiri Milana Abbasova, baş müəllimlər Firəngiz Nəsirova, Kəmalə Əsgərova və tərcümə dərslərini tədris edən digər müəllimlər iştirak edib.

Görüş zamanı Elvin Abbasbəyli tərcümə sahəsindəki təcrübəsini bölüşüb və tərcümə zamanı qarşıya çıxan problemlər haqqında müzakirələr aparılıb.