2023-cü il mayın 30-da Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “İnnovasiyalar Mərkəzi”nin təşəbbüsü ilə həyata keçirilən “Gələcək üçün bacarıqlar” layihəsi çərçivəsində mentorluq proqramının iştirakçıları Kəmalə Mustafayeva və Humay Hüseynova tərəfindən “Komandanın qurulması və emosional intellekt” adlı seminar keçirilmişdir.
Seminarda İqtisadiyyat və menecment fakültəsinin, Humanitar, təhsil və sosial elmlər fakültəsinin tələbələri iştirak etmişdir. Seminarda komandanın təşkili və müasir iş mühitində əhəmiyyəti məsələlərinə toxunulmuş, tələbələrə “Business model of Canvas” modeli çərçivəsində komanda şəklində iş modeli planlaşdırmaq tapşırığı verilmişdir. Komandaların birlikdə göstərdikləri fəaliyyətləri və komanda liderlərinin çıxışları, sual-cavablar maraqla qarşılanmışdır.
Seminarın ikinci hissəsində mentor Humay Hüseynova tərəfindən emosional intellekt haqqında tələbələrlə interaktiv məlumatlandırma keçirilmişdir.