2023-cü il mayın 30-da Fizika və elektronika departamentində Türkiyənin Qazi Universitetinin Texnologiya fakültəsinin Elektrik - elektronika mühəndisliyi departamentindən dəvət olunmuş Prof. Dr. Erol Kurt tərəfindən “Hot Topics in Engineering Sciences” adlı seminar keçirildi. Seminarda Erol Kurt hazırda mühəndislik elmlərində olan yeniliklər haqqında məlumat verdi. Seminar müzakirə şəklində aparıldı.
Prof. Dr. Erol Kurt 2004-cü ildə “Fırlanan maqnit mayelərinin qeyri-sabitlikləri” mövzusunda dissertasiya müdafiə edərək, fəlsəfə doktoru elmi dərəcəsi almış və 3 il Türkiyə Atom Enerjisi Təşkilatının Ar-Ge Departamentində çalışmışdır. O, Bərpa Olunan Enerji Sistemləri üzrə Avropa Konfransı (ECRES), Mexanika, Kompüterlər və Elektrik üzrə Fənlərarası Konfrans (ICMECE) kimi silsilə konfransların təsisçisi, sədri və bəzi nüfuzlu jurnalların qonaq redaktorudur. Enerji Sistemləri Jurnalının (https://dergipark.org.tr/en/pub/jes) yaradıcısı və baş redaktoru, Türkiyə Elmi Araşdırmalar Vəqfinin (TÜBAV) üzvüdür.