2023-cu il mayın 23-də Xəzər Universitetinin Beynəlxalq əlaqələr şöbəsinin İndoneziya Respublikasının Azərbaycandakı Səfirliyi ilə əməkdaşlığı çərçivəsində “İndoneziya günü” təşkil olundu. Tədbirdə Xəzər Universitetinin əcnəbi tələbələri – Alif Paramardhika Putera, Brilliant Windy Khairunnisa, Aldila Qonita Putri Aulia Alfi Nasri, Abdullah Miftachul Irvan, Adib Kurniawan və Dona Alicia iştirak etdilər. Tədbirin məqsədi əcnəbi tələbələrin yerli tələbələr və işçi heyəti ilə mədəni mübadiləsinin gücləndirilməsi idi.

Əcnəbi tələbələrin təqdimatında İndoneziyanın təbiəti, mədəniyyəti, mətbəxi, milli geyimləri və adət-ənənələri nümayiş olundu.

Tədbirin sonunda viktorina keçirildi və qaliblərə İndoneziyadan gətirilmiş hədiyyələr verildi.