2023-cü il mayın 25-də Xəzər Universitetinin Beynəlxalq ofisi tərəfindən Fulbrayt qonaq tədqiqatçılar Dr. Qaisar Sultana və Eastern Kentucky Universitetinin professoru Ronald Wayne Smith üçün yolasalma tədbiri keçirildi.

Tədbirdə rektoru İradə Xəlilova, Humanitar, təhsil və sosial elmlər fakültəsinin dekanı Elza Səmədova, Keyfiyyətin Təminatı Mərkəzinin direktoru Lyudmila Sotova, İngilis dili və ədəbiyyatı departamentinin müdiri Milana Abbasova, Kitabxana İnformasiya Mərkəzinin direktoru Tatyana Zaytseva, Humanitar, Təhsil və sosial elmlər fakültəsinin əməkdaşları Tərlan Orucova və Aygün Verdiyeva, Beynəlxalq əlaqələr şöbəsinin əməkdaşları Arzu Bədəlova və Turan Əlizadə iştirak etmişlər.

Qeyd edək ki, Dr. Qaisar Sultana inklüziv təhsil sahəsində böyük təcrübəyə malikdir. Proqram çərçivəsində o, Humanitar, təhsil və sosial elmlər fakültəsinin Təhsil departamentində inklüziv təhsil sahəsində təlimlər keçirmişdir. Eastern Kentucky Universitetinin professoru Ronald Wayne Smith isə tələbələrin ingilis dilində danışıq bacarıqlarını inkişaf etdirmək məqsədilə danışıq klubları təşkil etmişdir.

Tədbirin sonunda qonaq tədqiqatçılara sertifikat və hədiyyə təqdim olunmuşdur.