2023-cü il mayın 27-də Bakıdakı Museum İnn restoranında Xəzər Universitetinin rektoru İradə Xəlilova ilə Meksikanın Azərbaycandakı səfiri Mariya Viktoriya Romero Kabalyero və meksikalı deputat Elvia Vixil arasında işgüzar görüş olmuşdir.

Qeyd edək ki, Elvia Vixil Bakıda keçirilmiş “Minalara qarşı hərəkət: Dayanıqlı İnkişaf Məqsədlərinə çatmağın yolu” adlı 2-ci Beynəlxalq Konfransda (24-26 may 2023) iştirak edib.

Elvia Vixil ilə görüşdə Matamoros Texniki Universitet ilə Xəzər Universitetinin əməkdaşlıq layihəsi haqqında ilkin müzakirələr aparılıb. Qeyd olunub ki, əməkdaşlıq hər iki ölkənin səfirliklərinin iştirakı ilə video-formatda görüşlərin keçirilməsi və təhsil müəssisələri tərəfindən əməkdaşlıq sahələrinin müəyyən olunması ilə davam edəcək.