Xəzər Universitetinin Təbiət elmləri, sənət və texnologiya yüksək təhsil fakültəsinin dekanı, biologiya üzrə fəlsəfə doktoru Səidə Şərifova Almaniyanın Akademik Mübadilə Xidmətinin (DAAD) Bilateral Exchange of Academics (2023) proqramının və Amerika Birləşmiş Ştatları Dövlət Departamentinin Təhsil və Mədəniyyət İşləri Bürosunun dəstəklədiyi Fulbright Visiting Scholar proqramının (2023-2024) qalibi olub. Tədqiqatçı, Bilateral Exchange of Academics proqramı çərçivəsində Almaniyanın Bielefeld Universitetinin Hesablama biologiyası departamentində “Application of bioinformatics methods for drought stress-modulated alternative splicing analysis in plants”, Fulbright proqramı çərçivəsində isə Amerika Birləşmiş Ştatlarının Kolorado Ştat Universitetinin (Colorado State University) Biologiya departamentində “Drought stress-modulated alternative splicing landscape in wild plant species” mövzusunda tədqiqat layihəsi üzərində işləyəcəkdir.
Dr. Səidə Şərifova 2017-2018-ci ildə də Fulbright Visiting Scholar Proqramının qalibi olmuş və 4 ay müddətində Amerika Birləşmiş Ştatlarının Kaliforniya Universitetində (Davis) qonaq tədqiqatçı kimi çalışmışdır.