2023-cü il mayın 22-26-da Xəzər Universiteti Kitabxana İnformasiya Mərkəzinin (KİM) direktor müavini Aytac Misgərli Erasmus+ İşçi heyətinin mübadiləsi proqramı (KA 107) çərçivəsində Sabancı Universitetinin (Türkiyə) təşkil etdiyi Beynəlxalq İşçi Həftəsində iştirak etdi.
Tədbirə Azərbaycan, Hindistan, İndoneziya, İsrail, Malayziya, Peru, Rusiya, İran və s. ölkələrdən nümayəndələr qatılmışdı.
Həftənin birinci günü müxtəlif ölkələrdən gələn nümayəndələrin öz universitetləri haqqında təqdimatları oldu. Növbəti günlər Sabancı Universitetinin nümayəndələrinin təqdimatları, . təlimlər, seminarlar, eyni zamanda mədəni tədbirlər keçirildi. Səfər çərçivəsində İstanbul şəhərində yerləşən Topkapı Sarayı, Yerebatan Sarnıcı və Tekfur Sarayına səfərlər təşkil olundu.
Tədbirin sonunda hər bir iştirakçı Sabancı Universitetinin Sosial Elmlər fakültəsinin dekan müavini tərəfindən sertifikatla təltif olundu.