2023-cü il mayın 27-də Xəzər Universitetinin Coğrafiya və ətraf mühit departamentinin II kurs tələbələrinə Ekologiya və Təbii Sərvətlər Nazirliyinin Milli Hidrometeorologiya Xidmətində “Meteorologiya və İqlimşünaslıq” fənni (fənn müəllimi Cavid Hüseynov) üzrə məşğələ dərsi keçirildi.
Milli hidrometeorologiya xidmətinin mütəxəssislərinin də iştirak etdiyi məşğələdə tələbələrə hidrometeoroloji müşahidə şəbəkəsi, erkən xəbərdarlıq sistemləri, hidrometeoroloji stansiya və məntəqələrdə istifadə edilən cihaz və avadanlıqlar, müşahidə məlumatlarının işlənməsi, proqnoz-xəbərdarlıqların hazırlanması və ötürülməsi haqqında ətraflı məlumatlar verildi.
Sonda müəllim Cavid Hüseynov səmərəli əməkdaşlığa və yaratdıqları şəraitə görə Xidmətin rəhbərliyinə təşəkkür etdi.