2023-cü il mayın 19-da Ailə, Qadın və Uşaq Problemləri üzrə Dövlət Komitəsinin, Azərbaycan Respublikasının Ali Məhkəməsinin və Vəkillər Kollegiyasının birgə təşkilatçılığı ilə “Nikahın xitamı ilə bağlı ailə qanunvericiliyinin tətbiqi sahəsində mövcud vəziyyət” mövzusunda konfrans keçirilib.

Konfransda Xəzər Universitetinin Psixologiya departamentinin koordinatoru Mələk Kərimova və Hüquq departamentinin müəllimi Akif Əlizadə iştirak etmişlər. Onlar öz çıxışlarında universitetdə tədris edilən “Ailə hüququ” fənninin əhəmiyyətini qeyd etməklə yanaşı, Mələk Kərimova həmçinin təhsildə, ailə mediasiya prosesində rast gəlinən çətinliklərdən, ailə institutunun möhkəmlənməsi üçün ailə dəstək mərkəzlərinin qurulmasından, evlilik öncəsi və evlilik müddətində olan ödənişsiz psixoloji yardımın zəruriliyindən danışıb.