Xəzər Universitetinin İnşaat mühəndisliyi departamenti ilə “Geoengineering” şirkəti arasında əldə olunmuş razılaşmaya görə inşaat mühəndisliyi ixtisasının tələbələri 2023-cü il mayın 10-da şirkətdə oldular.

Şirkət, əsasən, dənizdə və quruda geotexniki və geoloji tədqiqat işləri ilə məşğuldur. Bununla əlaqədar şirkətdə böyük qrunt mexanikası laboratoriyası fəaliyyət göstərir. Tələbələr Avropa standartlarına uyğun fəaliyyət göstərən laboratoriya ilə ətraflı tanış oldular və laboratoriyada aparılan fiziki-mexaniki sınaqları yaxından izlədilər.

Görüşün hər iki tərəf üçün səmərəli olduuğunu nəzərə alaraq, gələcəkdə də əməkdaşlığın davam etdirilməsi barədə razılıq əldə olunmuşdur.