Xəzər Universitetinin Baytarlıq təbabəti ixtisasının üçüncü kurs tələbəsi Nika Varlamova “Dayanıqlı istehsal və istehlak üçün xoşbəxt heyvanlar” (Happy animals for sustainable production and consumption - HAnimSPAC) layihəsi çərçivəsində 2023-cü il aprelin 17-21-də Estoniyanın Tartu şəhərində Estoniya Həyat Elmləri Universitetində keçirilmiş BOVA "Comparative animal welfare and practical assessment" adlı tam maliyyələşmiş interaktiv kursda iştirak edib.
“Baltik Dənizi Regionunda Akademik Əməkdaşlıq” (“Academic collaboration in the Baltic Sea region”) üzrə Sosial İnnovasiya (SI) proqramı tərəfindən maliyyələşdirilən HAnimSPAC layihəsinin icraçısı İsveç Kənd Təsərrüfatı Elmləri Universitetidir.
Kurs 3 hissədən ibarət olmuşdur: 1-ci hissədə tələbələr heyvan rifahına aid sərbəst mövzuda təqdimat hazırlamış, 2-ci hissədə "Heyvan rifahı nə deməkdir və necə qiymətləndirilməlidir", "Kənd təsərrüfatı heyvanlarının rifahı", "Daşınma zamanı qaydalar”, "Zooparkda saxlanan heyvanların rifahı" və s. mövzularda mühazirələr dinlənilmişdir. 3-cü hissədə isə zoopark, fermalar və heyvanların qayğı mərkəzinə ekskursuyalar təşkil edilmişdir. Sonda tələbələr onlara verilmiş məlumatlar əsasında yekun təqdimat işi hazırlamış və heyvan rifahı ilə bağlı aktual məsələlər geniş müzakirə olunmuşdur.
Qeyd edək ki, Nika Varlamova interaktiv kursda iştirak hüququ qazanan azsaylı tələbələrdən biridir. Kursu uğurla bitirən hər tələbə sertifikatla təltif olunmuş və 3 kredit əldə etmişdir.