Türkiyənin İstanbul Universitetinin doktorantı İnci Şıxəliyeva 2023-cü il aprelin 20-də Xəzər Universitetində təşkil olunmuş seminarda “Axın sitometriyası və HPLC: iş prinsipi və tətbiq sahələri” adlı məruzə ilə çıxış etmişdir.

İnci Şıxəliyeva “2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı” çərçivəsində Azərbaycan Respublikasının Təhsil Nazirliyi və Xəzər Universiteti ilə üçtərəfli müqavilə əsasında İstanbul Universitetində “Molekulyar biologiya və genetika” ixtisası üzrə doktorantura təhsili alır.

Seminarda “Təbiət elmləri, sənət və texnologiya yüksək təhsil fakültəsinin, həmçinin Həyat elmləri departamentinin müəllim və tələbələri iştirak etmişlər. Doktorant İnci Şıxəliyevanın məruzəsindən sonra mövzu ilə əlaqədar suallar cavablandırılmış və müzakirələr aparılmışdır.