2023-cü ilin fevral, mart, aprel aylarında Şotlandiyada yerləşən Edinburq Napier Universitetinin doktorant tələbəsi Kyle Schwartz Erasmus+ Tələbə Mübadilə Proqramı (KA 107171) çərçivəsində Xəzər Universitetinin Coğrafiya və ətraf mühit departamenti tərəfindən qəbul edildi.

Proqram müddətində departamentin müdiri Rövşən Abbasov və müəllimi Rövşən Kərimovun rəhbərliyi ilə Kyle Schwartz`ın Azərbaycanın regionlarına, uri yaşayış məntəqələri və tarixi yerlərinə, o cümlədən İsmayıllı, İvanovka, Lahıc və Şamaxıya səfərləri oldu. Eləcə də İsmayıllı rayonunun kənd bələdiyyələrinin rəhbərləri ilə görüşlər keçirildi. Regionlara səfərlərin məqsədi həm də yerli əhali ilə sorğular keçirmək idi.

Kyle Schwartz AMEA Coğrafiya İnstitutunda öz tədqiqat mövzusu ilə əlaqədar seminar keçirdi. Seminar qaçqın miqrasiyası, Himalay bölgəsində iqlim təsirləri və fəlakət riskinin azaldılması ilə bağlı idi.

Proqramın sonunda Kyle Schwartz`a sertifikat və hədiyyə təqdim edildi.