2023-cü il aprelin 27-də Xəzər Universitetinin Humanitar, təhsil və sosial elmlər fakültəsinin II kurs tələbələri Nərmin Həsənova, Nuranə Qasımova və Minurə Cavadova Tarix və arxeologiya departamentinin müəllimi Dr.Yaqub Məmmədovun elmi rəhbərliyi ilə Heydər Əliyevin anadan olmasının 100 illik yubileyinə həsr olunmuş “İnsan kapitalına investisiya qoyuluşu və onun səmərəliliyinin qiymətləndirilməsi” mövzusunda Tələbə Elmi Cəmiyyətinin Respublika elmi-praktiki konfransında iştirak etmişlər.

Konfrans Azərbaycan Respublikası Elm və Təhsil Nazirliyi, Azərbaycan Həmkarlar İttifaqı Konfederasiyası və Azərbaycan Əmək və Sosial Münasibətlər Akademiyasının birgə təşkilatçılığı ilə adı çəkilən akademiyada keçirilmişdir.

Konfransda M.Cavadova “İslam öncəsi Ərəbistan”, N.Həsənova “Hett / Het dövləti, çarlığı, dili, xalqı, hərbi-siyasi, ictimai-iqtisadi münasibətləri”, N.Qasımova isə “Qədim dünyanın koloniya sistemi” mövzusunda çıxış etmişlər.