2023-cü il mayın 2-də Xəzər Universitetinin “Neftçilər” kampusunda Nailəxanım Mədəniyyət Mərkəzində Fulbrayt qonaq tədqiqatçıları üçün qarşılama mərasimi təşkil edildi. Tədbirin məqsədi onları universitet heyətinə təqdim etmək idi.

Dr. Qaisar Sultana inklüziv təhsil sahəsində böyük təcrübəyə malikdir. Proqram çərçivəsində o, Humanitar, təhsil və sosial elmlər fakültəsinin Təhsil departamentində inklüziv təhsil sahəsində təlimlər keçir.

Hazırda Dr. Elnur Gajiev də Xəzər Universitetinin qonaq tədqiqatçısıdır. O, Humanitar, təhsil və sosial elmlər fakültəsinin Psixologiya departamentində Sənət terapiyası və Menecment psixologiyası fənlərindən mühazirə söyləyir.

Tədbirdə, eyni zamanda, Eastern Kentucky Universitetinin professoru Ronald Wayne Smith də iştirak etdi. O, tələbələrin ingilis dilində danışıq bacarıqlarını inkişaf etdirmək məqsədilə danışıq klubları təşkil edir.

Xəzər Universitetinin rektoru İradə Xəlilova və Beynəlxalq əlaqələr üzrə prorektor Vlad Vernygora qısa nitq söylədilər. Sonra qonaq tədqiqatçılar öz xoş təəssüratlarını bölüşdülər. Tədbirdə Xəzər Universitetinin Kamera orkestri bədii rəhbər - universitetin Musiqi və incəsənət departamentinin müdiri Zülfiyyə Sadıqovanın müşayiəti ilə əsərlər səsləndirdilər. Humanitar, təhsil və sosial elmlər fakültəsinin tələbəsi Elvin Əliyev musiqi ifa etdi. Qonaqlar üçün çay süfrəsi açıldı.

Tədbirin sonunda rektoru İradə Xəlilova qonaq tədqiqatçılara hədiyyələr təqdim etdi.

Qeyd edək ki, ABŞ Dövlət Departamentinin Təhsil və Mədəniyyət İşləri Bürosunun proqramı olan Fulbrayt təqaüd proqramı ABŞ-ın Bakıdakı səfirliyi tərəfindən idarə olunur.