2023-cü il aprelin 20-də Xəzər Universiteti Azərbaycan Neftçi Geoloqlar Cəmiyyəti ilə birgə Qaladakı “Eko-park”-da 22 aprel Ümumdünya Yer Kürəsi Günü münasibətilə tədbir təşkil etdi.

Tədbiri “Eko-park”ın direktoru və Xəzər Universitetinin rektoru açıblar. Rektor, dosent İradə Xəlilova Yer Gününün tarixi haqqında məlumat verdi. Sonra Coğrafiya və ətraf mühit departamentinin müdiri Dr. Rövşən Abbasov Sumqayıt və Bakı ərazilərində çirklənmiş torpaqların rekultivasiyası barədə məlumat verdi. Neft-qaz mühəndisliyi departamentinin müdiri Dr. Elşən Abdullayev Azərbaycan gillərinin təbabətdə tətbiqi imkanları barədə danışdı. Tədbirdən sonra tələbələr “Eko-park”ın müxtəlif ərazilərində oldular.