2023-cü il aprelin 25-də Meksika Birləşmiş Ştatlarının Azərbaycandakı Fövqəladə və səlahiyyətli səfiri Victoria Romero Xəzər Universitetində “Meksika və Azərbaycan: gələcək üçün tərəfdaşlıq yaradılması” ("Mexico & Azerbaijan: Creating a partnership for the future") mövzusunda seminar keçirmişdir.

Seminarda universitetin Siyasi elmlər və fəlsəfə departamentinin müdiri Dr. Orxan Vəliyev, departamentin müəllimi Baba Bayramov, Humanitar, təhsil və sosial elmlər fakültəsinin dekan müavini Tərlan Orucova və tələbələr iştirak etmişlər.

Seminar Azərbaycan və Meksika arasında əməkdaşlığın əsas istiqamətləri, Meksikanın dünyadakı yeri və rolu, gələcək üçün planlaşdırılan “tələbə mübadilə proqramı” və digər məsələləri əhatə etmişdir. Təqdimatdan sonra tələbələrin sualları cavablandırılmışdır.