2023-cü il martın 30-da Bristol Universitetinin (İngiltərə) professoru Tariq Modood`un “Multikultural millətçilik" (“Multicultural Nationalism") mövzusunda onlayn seminarı keçirilmişdir. Professor Modood islamofobiya və multikulturalizmin tədqiqatçılarından biridir.
Onlayn seminarda Xəzər Universitetinin Siyasi elmlər və fəlsəfə departamentinin müdiri Dr. Orxan Vəliyev, Humanitar, təhsil və sosial elmlər fakültəsinin dekan müavini Tərlan Orucova və tələbələr iştirak etmişdir.
Seminarda millətçilik və multikulturalizm məsələləri əhatə olunmuşdur. Professor Modood milli kimliyin nə dərəcədə multikultural olub-olmadığını təhlil etmişdir. Təqdimatdan sonra tələbələrin sualları cavablandırılmışdır.