2023-cü il martın 29-da Ali Təhsildə İslahatlar Ekspertlərinin (ATİE) görüşü keçirilmişdir.
Altı ekspertin iştirakı ilə keçən görüşdə Xəzər Universitetini İnkişaf Mərkəzinin direktoru Raziyə İsayeva təmsil etmiş, eksperti olduğu Bilik üçbucağı və 3 pilləli təhsil sistemi haqqında öz məsləhətlərini bölüşmüşdür. Bununla yanaşı, Raziyə İsayeva institusional səviyyədə, ATİE islahatlarının tətbiqi və həyata keçirilməsi ilə əlaqədar öz fikrini bildirmişdir.
Qeyd edək ki, Ali Təhsildə İslahatlar Ekspertləri (ATİE) Milli Komandalarının məqsədi Lissabon və Bolonya hədəflərinə doğru irəliləməyi təşviq etmək və inkişaf etdirmək üçün müəyyən sahələrdə təcrübə toplamaqdır. Bu geniş məqsədlər daxilində Milli Komanda digər fəaliyyətlərlə yanaşı, ali təhsil müəssisələrinə aşağıdakı istiqamətlər üzrə məsləhətlər verməlidir:
Keyfiyyət Təminatı (daxili və xarici) 3 pilləli təhsil sistemi: tədris islahatları, milli və Avropa ixtisas seçimi çərçivələri (NQF / EQF), Dərəcələrin tanınması (AKTS, Diplom Əlavəsi, Avropass, Lissabon Tanınması Konvensiyası).