2023-ci il martın 29-da Xəzər Universiteti Elmi şurasının növbəti iclası keçirildi. İclası universitetin rektoru, şuranın sədri dosent İradə Xəlilova açaraq, gündəlikdəki məsələni elmi şura üzvlərinin nəzərinə çatdırdı. Gündəlikdəki məsələ universitetin özünütəhlil hesabatının müzakirəsi və təsdiqi idi.

İ.Xəlilova universitetin akkreditasiyası ilə əlaqədar özünütəhlil hesabatının hazırlandığını bildirəndən sonra tədris işləri üzrə prorektor Məhəmməd Nuriyev universitetin özünütəhlil hesabatı və özünüqiymətləndirmə balları haqqında məlumat verdi. Qeyd etdi ki, növbəti mərhələdə hər bir ixtisasın akkredetasiyası olacaq. M.Nuriyev suallar da cavablandırdı.

Elmi şuranın gündəliyindəki məsələ ətraflı müzakirədən sonra səsə qoyuldu və təsdiqi ilə bağlı müsbət qərar qəbul edildi.