Xəzər Universiteti böyük məmnuniyyətlə məlumat verir ki, universitetin professoru Dr.Qaisar Sultana Azərbaycanda nüfuzlu Fulbright Mütəxəssisi Mükafatına layiq görülüb. Dr.Sultananın Xəzər Universitetindəki layihəsi müxtəlif təhsil və təlim fəaliyyətləri vasitəsilə həm Amerika Birləşmiş Ştatlarında, həm də Azərbaycanda iştirakçılara, institutlara və icmalara fayda verəcək bilikləri bölüşmək və tərəfdaşlıq qurmaq məqsədi daşıyır.
ABŞ Dövlət Departamenti və Fulbright Xarici Təqaüdlər Şurası tərəfindən maliyyələşdirilən xüsusi Fulbright Proqramı mükafat alanları akademik və peşə nailiyyətlərinə, öz sahələrində göstərilən liderliyə və ABŞ-da və xaricdə təhsil müəssisələri arasında uzunmüddətli əməkdaşlığı təşviq etmək potensialına görə seçir. Dr. Sultana hər il proqramda iştirak edən 400-dən çox ABŞ vətəndaşından biridir.
Qeyd edək ki, 1946-cı ildə təsis edilmiş Fulbright Proqramı ABŞ hökuməti tərəfindən maliyyələşdirilən qabaqcıl beynəlxalq təhsil mübadilə proqramıdır. Onun məqsədi ABŞ xalqı ilə digər ölkələrin xalqları arasında davamlı əlaqələr qurmaqdır. Proqram dünyanın 160-dan çox ölkəsində fəaliyyət göstərir və 400.000-dən çox tələbə, alim, müəllim, rəssam və elm adamına ABŞ-ın uzunmüddətli maraqlarını dəstəkləmək üçün əlaqələr quraraq öyrənmək, öyrətmək və tədqiqat aparmaq imkanı verib.
Dr. Sultana, Fulbright Proqramı üzrə mütəxəssis olaraq, müxtəlif təhsil fəaliyyətləri ilə Xəzər Universiteti, ABŞ və Azərbaycanın maraqları naminə bilik mübadiləsini təşviq etmək və ortaqlıqlar qurmaq üçün təcrübəsindən istifadə edəcəkdir.
Fulbright Proqramı və ya ABŞ Dövlət Departamenti haqqında ətraflı məlumat üçün http://eca.state.gov/fulbright saytına daxil olun və ya 202-632-6452 telefon nömrəsi ya da ECA-Press@state.gov e-poçtu ilə Təhsil və Mədəniyyət Məsələləri Bürosunun Mətbuat Ofisi ilə əlaqə saxlayın.