2023-cü il martın 25-də Göyçay şəhərindəki Ə.Səmədli adına Arvan kitabxanasında Azərbaycan ədəbiyyatının görkəmli nümayəndəsi, xalq şairi Cabir Novruzun 90 illiyinə həsr edilmiş “Dünya bir nəğmə idi” ədəbi-bədii tədbir keçirildi.
Tədbiri kitabxananın müdiri Mehriban Məmmədova açaraq, C. Novruz yaradıcılığından, onun incə poeziyasından danışdı. Sonra Göyçay Rayon Mərkəzləşdirilmiş Kitabxana Sisteminin direktoru Zəfər Hacıyev, Göyçay Dövlət İdarəetmə və Texnologiya Kollecinin aparıcı müəllimi Rafiq Abdullayev, rayon məktəblərinin ədəbiyyat müəllimləri çıxış etdilər.
Məktəblilər C.Novruz poeziyasından seçilmiş nümunələri səsləndirdilər.
Tanınmış tarzən Rövşən Zamanov şairin sözlərinə yazılmış musiqi parçalarını məharətlə ifa etdi.
Xəzər Universitetinin məzunu Mürsəl Rövşən oğlu, gənc kinoşünas Vasif Ayan tədbirdə fəal iştirak etdilər.
Tədbirdə Xəzər Universitetinin İngilis dili və ədəbiyyatı departamentinin baş müəllimi Firəngiz Nəsirova C.Novruzun yaradıcılığından, şair xəyalının zənginliyindən, poeziyasının musiqi ilə vəhdətindən danışdı.