2023-cü il martın 16-da Azərbaycan Respublikası Elm və Təhsil Nazirliyi tərəfindən Xəzər Universitetinə əcnəbi vətəndaşların ali təhsil müəssisələrinə cəlbinin təşviqi və onların təhsilinin təşkili sahəsində fəaliyyətinə görə “Təşəkkürnamə” təqdim olunmuşdur.

Belə ki, Azərbaycan Respublikası Elm və Təhsil Nazirliyindən göndərilmiş məktublara, sorğulara məsuliyyətli yanaşma, operativ icra, əcnəbilərin sayında son 5 tədris ili üzrə artım dinamikası, atis.edu.az və portal.edu.az sistemlərindın səmərəli istifadə, əcnəbi tələbələrin ictimai-sosial fəallığının təmin edilməsi nəzərə alınmaqla Xəzər Universiteti nazirliyin 3-29/3-1-250K/2023 nömrəli, 20.02.2023-cü il tarixli əmri ilə “Təşəkkürnamə” ilə təltif olunmuşdur.

Təqdimat görüşündə nazir müavini Firudin Qurbanov əcnəbi vətəndaşların ali təhsil müəssisələrinə cəlb olunması sahəsində önəmli məqamları və tövsiyələrini ali məktəblərin nümayəndələri ilə bölüşmüşdür.

Görüşdə Xəzər Universitetinin Beynəlxalq əlaqələr şöbəsinin əməkdaşları Fatimə Vəliyeva və Arzu Bədəlova iştirak etmişlər.

Görüşün sonunda nazir müavini tərəfindən “Təşəkkürnamə” təqdim olunmuşdur.