2023-cü il martın 16-da Xəzər Universitetində Nizami Rayon Polis İdarəsi (RPİ) tələbələr üçün “Narkomaniyaya qarşı mübarizə” mövzusunda maarifləndirici tədbir keçirdi.

Tədbirdə Xəzər Universitetinin rektoru dosent İradə Xəlilova, İdarəetmə və tələbə işləri üzrə prorektor İsaxan İsaxanlı, Nizami RPİ-nin rəisi polis polkovniki Ziya Əliyev, rəis müavini polis polkovnik-leytenantı Zaur İsayev, Yetkinlik yaşına çatmayanlarla profilaktiki işin təşkili bölməsinin rəisi polis mayoru Natiq Yusifov, baş inspektoru polis kapitanı Günel Mirzəyeva, Nizami RPİ Veteranlar Şurasının sədri Nazim Knyazov və digərləri iştirak edirdilər.

Xəzər Universitetinin müəllimi Baba Bayramlı tədbiri giriş sözü ilə açaraq, narkomaniya ilə mübarizənin vacibliyini vurğuladı və qonaqları təqdim etdi.

Rektor İradə Xəlilova günümüzün bəlasına çevrilən narkomaniyadan, tələbələrin bu sahədə maariflənməsinin əhəmiyyətindən danışdı.

Sonra söz Nizami RPİ-nin rəisinə və əməkdaşlarına verildi. Narkomaniya və onun fəsadları haqqında tələbələrə ətraflı məlumat verildi, bundan qorunmağın yolları göstərildi.

Sonda Nizami RPİ-nin əməkdaşları tələbələrin suallarını cavablandıraraq, onları maraqlandıran məsələləri izah etdilər.