2023-cü il fevralın 27-də professor, akademik Hamlet İsaxanlı Azərbaycan Milli Konservatoriyasının “Uzundərə” Kamança Ansamblı və Xəzər Universitetinin Kamera Orkestrinin birgə layihəsi ilə Azərbaycan Milli Konservatoriyasında Xalq artisti, kamança ifaçısı, konservatoriyanın müəllimi Elşən Mansurovun 60 illiyi münasibətilə keçirilmiş yubiley tədbirində iştirak etmişdir.

Tədbiri konservatoriyanın rektoru, Xalq artisti professor Siyavuş Kərimi açmış, konservatoriyanın prorektoru, Əməkdar incəsənət xadimi professor Lalə Hüseynova yubilyarın həyat və fəaliyyəti haqqında çıxış etmişdir.

Tədbirin geniş konsert proqramında Milli Konservatoriyasının “Uzundərə” Kamança Ansamblı ilə Xəzər Universitetinin Kamera Orkestri tərəfindən (solo Elşən Mansurov) sözləri Hamlet İsaxanlının, musiqisi Nailəxanım İsayevanın olan “Gözəldir” mahnısı ilk dəfə bu tərkibdə ifa olunmuşdur.