2023-cü il martın 8-də Xəzər Universiteti Tarix və arxeologiya departamentinin müdiri Telman Nüsrətoğlu Quliyev arb24 kanalının “Gündəm” verilişinin qonağı olmuşdur.

Departament müdiri verilişdə Köçəryandan başlamış Vardanyan və digərlərinə qədər hamısının Rusiya xüsusi xidmət orqanlarının bölgədəki fiqurları olması, onlara verilən vəzifələr, Sovet İttifaqının dağılmasından günümüzədək Rusiyanın Cənubi Qafqazda öz təsirini, varlığını davam etdirmək üçün işğal və separatizmi bu agentlər vasitəsiylə təşviq etməsi, Azərbaycan-Ermənistan münaqişəsinin həllinə mane olması və səbəbləri haqqındakı fikirlərini tamaşaçılarla bölüşmüşdür.

O, çıxışında üçlü bəyanatdan iki il yarım vaxt keçməsinə baxmayaraq, Rusiya və Ermənistanın hələ də öhdəliklərini yerinə yetirməyərək, Azərbaycan ərazilərindəki işğalçı qüvvələrin qalıqlarının çıxarılmadığını, Zəngəzur dəhlizinin açılmadığını nəzərə çatdırmış, Azərbaycan tərəfindən Laçın rayonunun Ermənistanla sərhədinin başladığı nöqtədə sərhəd-keçid məntəqəsi quraşdırılmasının şərt olduğunu qeyd etmişdir.