2023-cü il martın 1-3-də ADA universitetində UNESCO Milli İştirak Proqramı Çərçivəsində “Akademik liderlik rolu üçün qadınların peşəkar bacarıqlarının gücləndirilməsi” üzrə Milli Seminar keçirilib.
3 günlük seminarda Xəzər Universitetini Beynəlxalq əlaqələr şöbəsinin koordinatoru Arzu Bədəlova və rektorun köməkçisi Humay Hüseynova təmsil ediblər.
Seminarın məqsədi qadınların ali təhsil müəssisələrində və ümumi elmi cəmiyyətdə rəhbər vəzifələrdə kifayət qədər təmsil olunmaması ilə bağlı hazırkı vəziyyəti araşdırmaq, idarəetmədəki qadınların liderliyinə mane olan amilləri müəyyən etmək və müzakirələr aparmaq idi.
Seminarda Şəms Mustafayeva, Nailə Mehrabova, Vəfa Kazdal və digər təlimçilər praktiki məşğələlər vasitəsilə liderlik və peşəkar inkişaf vərdişlərinin artırılması, rəhbərlikdə gender bərabərliyinin təşviqi mövzularında çıxışlar etmişlər.
Tədbir müzakirə və sertifikat təqdimatı ilə başa çatmışdır.