Xəzər Universitetinin Fizika və elektronika departamentinin “Elektronika, radiotexnika və telekommunikasiya” laboratoriyasında deparatmentin müəllimləri Əhməd Asimov, Muhəmməd Əlizadə və Babak Emdadi`nin tələbələrlə birlikdə çalışmaları nəticəsində diodlar və sensorlar üçün nazik təbəqə alınmasında istifadə edilən, Spin Coater və Sentrifuqa qurğuları hazırlanmışdır.

Bu qurğular 20 nm-300 nm qalınlıqda nazik təbəqələrin (diodlar və günəş elementləri və s. üçün) və 2 nm -20 nm ölçüsündə nanozərrəciklərin (grafen, quantum nanodot, quantum nanokristal v. s) alınmasında istifadə olunur.

Xaricdə 2000–7000-dollar arasında qiymətlə satılan bu qurğular departamentdə bir neçə dəfə ucuz qiymətə hazırlanmışdır. Onlardan Nanotexnologiya laboratoriyasında hazırlanan nazik təbəqələrin və nanozərrəciklərin alınmasında istifadə ediləcək və tədqiqat işləri aparılcaq.