2023-cü il fevralın 27-də Xəzər Universitetinin Mərkəz kampusunda Fikrət Əmirov Konfrans-Konsert salonunda Xocalı faciəsinin 31-ci ildönümü münasibətilə ədəbi-mədəni tədbir keçirildi. Tədbir “Art” tələbə dərnəyinin təşəbbüsü, İngilis dili və ədəbiyyatı departamentinin təşkilatçılığı ilə təşkil olunmuşdu. Tələbələr şeir söyləyərək, səhnəciklər göstərərək, videoçarxlar nümayiş etdirərək, hazırladıqları geniş proqramın yüksək səviyyədə təqdimatına nail oldular.

Tədbirin sonunda departamentin müdiri Milana Abbasova çıxış edərək, tələbələrə təşəkkürünü bildirdi.