2023-cü il fevralın 21-də Çilinin Azərbaycandakı Səfirliyinin Müvəqqəti işlər vəkili Fidel Coloma Grimberg Xəzər Universitetində seminar keçirmişdir.
Müvəqqəti işlər vəkili ilk olaraq universitetin rektoru Dos. İradə Xəlilova tərəfindən qəbul edilmişdir.
Seminarda universitetin Siyasi elmlər və fəlsəfə departamentinin müdiri Dr. Orxan Vəliyev, departamentin müəllimi Baba Bayramov, Beynəlxalq əlaqələr ofisinin koordinatoru Hüseyn Əliyev və tələbələr iştirak etmişlər.
Seminar Çilinin tarixi, coğrafiyası, mədəniyyəti və s. məsələləri əhatə etmişdir. Təqdimatdan sonra tələbələrin sualları cavablandırılmışdır.
Görüşün sonunda Müvəqqəti işlər vəkilinə hədiyyə təqdim olunmuşdur.