2023-cü il fevralın 7-də Bakı Biznes Universitetinin koordinator və Xəzər Universitetinin tərəfdaş olduğu, Avropa Komissiyası tərəfindən maliyyələşən “Azərbaycanda Rektorlar Konfransının Yaradılması” (ECAR) adlı Erasmus+ layihəsi çərçivəsində Azərbaycan HR İnstitutu tərəfindən keçirilən "Strateji insan resurslarının idarə olunması" tədris proqramının açılışı oldu.

Azərbaycan Turizm və Menecment Universitetində təşkil olunan açılış mərasimində universitetin tədris işləri üzrə prorektoru, f.ü.e.d., professor Zaur Bağırov və Azərbaycan HR İnstitutunun təsisçisi və direktoru Emil Hüseynov çıxış edərək, proqramın vacibliyi və əhəmiyyəti haqqında danışıblar.

1.5 ay keçirilməsi nəzərdə tutulan tədris proqramında Azərbaycanın layihə tərəfdaşı olan 16 Ali təhsil müəssisəsindən 18 nəfər iştirak edir və məqsəd ali təhsil müəssisələrində insan resursları idarə edilməsinin təkmilləşdirilməsidir.

Təlimdə Xəzər Universitetini Kadrlar şöbəsinin koordinatoru Aybəniz Namazova təmsil edir.