2023-cü ii fevralın 14-də Xəzər Universitetinin Mərkəz kampusunda II Qarabağ müharibəsinin şəhidi leytenant Murad Nağıyevə həsr olunmuş tədbir keçirildi. Tədbir Xəzər Universiteti Tarix və arxeologiya departamentinin təşkilatçılığı ilə Dillər və ədəbiyatlar departamenti ilə əməkdaşlıqla təşkil olunmuşdu.
Şəhidin anası Xavər Məhəmmədi, qardaşları Orxan və Sərxan Nağıyevlər, çox sayda şəhid anaları, müəllimlər və ictimai fəallar tədbirin qonağı oldular.
Xəzər Universiteti tələbələrinin böyük maraq göstərdiyi tədbir Türkiyədə zəlzələ qurbanlarının xatirəsinə sükutla başladı, sonra Dövlət himni səsləndirildi.
Şəhid Murad Nağıyevin qələmə aldığı və ona həsr olunan şeirlər, mahnılar səsləndirildi, şəhid haqqında çəkilən video və film nümayiş etdirildi.
Universitetin rektoru İradə Xəlilova, şəhidin qardaşı Orxan Nağıyev, Tarix və arxeologiya departamentinin müəllimi t.ü.f.d. Rüxsarə Quliyeva, şəhidin müəllimi olmuş Rüxsarə Əlizadə, şəhid haqqında “Sonsuzluğa gedən 14 addım” şeirini qələmə almış baş leytenant Seymur Atilla və digərləri çıxış etdilər. Çıxışlarda 44 günlük Vətən müharibəsinin zəfərlə başa çatması üçün canlarından keşən şəhidlərin qəhrəmanlığından və onların nümunəsinin gənc nəslin vətənpərvərlik tərbiyəsində böyük önəmindən bəhs olundu.