2023-cü il fevralın 1-də Xəzər Universitetinin İngilis dili və ədəbiyyatı departamentinin müdir əvəzi Milana Abbasova və əməkdaşları Pərvanə Babayeva, Rəhimə Xəlilli Azərsu “Sukanal” Elmi-Tədqiqat və Layihə İnstitutunda institutun əməkdaşları arasında ingilis dili səviyyə imtahanı keçirmişlər.
İmtahan nəticəsinə uyğun olaraq, departamentin müəllimləri 2023-cü il fevralın 9-dan başlayaraq institutunda əməkdaşlara iki ayrı-ayrı səviyyədə ingilis dili dərsləri keçəcəklər. Nəticədə əməkdaşların ingilis dili səviyyəsi lazımlı şəkildə artacaq və bu beynəlxalq əlaqələrin inkişafına müsbət təsir göstərəcək.
Xəzər Universitetinin əməkdaşları “Sukanal” Elmi-Tədqiqat və Layihə İnstitutunun direktoru, Elmi-Texniki Şuranın sədri Vüqar Mirzəyev, müdir müavinləri Elnur Nəsirov və Rəşail İsmayılov ilə də görüşmüş, əməkdaşlıq və faydaları barədə müzakirələr aparılmışdır.