2023-cü il yanvarın 31-də Xəzər Universitetində Bakı Biznes Universitetinin koordinatorluğu və Avropa Komissiyasının maliyyə dəstəyi ilə həyata keçirilən, Xəzər Universitetinin tərəfdaş olduğu “Azərbaycanda Rektorlar Konfransının yaradılması” (ECAR) adlı Erasmus+ layihəsi çərçivəsində 2 sessiyalı məlumatlandırıcı seminar keçirilib.
Seminarın ilk hissəsində universitetin yerli və xarici tələbələri, 2-ci hissəsində isə universitetin akademik və administrativ heyəti iştirak edib.
Beynəlxalq Ofis və İnkişaf Mərkəzinin birgə təşkilatçılığı ilə təşkil olunan tədbirdə Beynəlxalq əlaqələr üzrə prorektor, eyni zamanda layihənin Ali təhsildə Beynəlmiləlləşmə üzrə komitə üzvü Vlad Vernygora təqdimatla çıxış etdi. O, layihə çərçivəsində görülmüş və görüləcək işlər, layihənin əsas məqsədi haqqında məlumat verdi.
Sonra layihə çərçivəsində edilmiş səfərlər, səfərlərdə müzakirə olunan mövzular haqqında iştirakçılar məlumatlandırıldı.
Görüş sual-cavab sessiyası ilə yekunlaşdı.