2023-cü il yanvarın 23-də Erasmus+ ECAR layihəsi çərçivəsində virtual görüş keçirildi. Xəzər Universitetinin tərəfdaşı və Bakı Biznes Universitetinin koordinatoru olduğu bu layihənin görüşündə Azərbaycan və Avropa universitetlərindən olan tərəfdaşlar da daxil olmaqla 20 nəfərdən çox nümayəndə iştirak edirdi.

Tədbir nümayəndələrin özlərini təqdim etməsi ilə başladı. Sonra Azərbaycandan olan tərəfdaş universitetlərin rektorları, prorektorları və Azərbaycan Təhsil Nazirliyinin nümayəndələri ilə Erasmus+ ECAR layihəsi çərçivəsində Elmi işlər üzrə komitənin sədrinin seçkisi keçirildi.

Görüşdə Xəzər Universitetindən Karyera mərkəzinin rəhbəri Səbinə Allahverənova iştirak etdi.