2023-cü il yanvarın 18-də Xǝzǝr Universitetindǝ 20 Yanvar faciəsinin 33-cü anım günü münasibǝtilǝ Tarix vǝ arxeologiya departamentinin tǝşǝbbüsü ilǝ “20 Yanvar hadisǝlǝrinin Azǝrbaycanın yeni vǝ çağdaş dövrü üçün ǝhǝmiyyǝti” adlı tǝdbir keçirildi. Tǝdbirdǝ universitetin rektoru Dos. İradǝ Xǝlilova, İctimai ǝlaqǝlǝr vǝ media üzrǝ direktor Əlövsǝt Əmirbǝyli, müǝllimlǝr - tarix üzrǝ fǝlsǝfǝ doktorları Rüxsarǝ Quliyeva, Bayram Quliyev, Söhrab Mustafayev və Baba Bayramlıı çıxış etdilǝr.

Tǝdbirdǝ 20 Yanvar hadisǝlərinin tarixi prosesi, ǝhǝmiyyǝti, Azǝrbaycan vǝ xalqımız üçün nǝticǝlǝri ǝtraflı şǝkildǝ şərh edildi. Çıxışçılar vurğuladılar ki, xalqımızın müstǝqillik ǝldǝ etmǝsindǝ müstǝsna rola malik olan 20 Yanvar hadisǝlǝri indiyǝ qǝdǝr müxtǝlif istiqamǝtli tǝdqiqatlara cǝlb olunsa da, bu proseslǝrin ilkin qaynaqlarının daha dǝrindǝn tǝdqiq edilmǝsi ilǝ yeni nǝticǝlǝr ǝldǝ oluna bilǝr. Onlar, bununla birlikdǝ, tariximizdǝki faciǝvi hadisǝlǝrǝ kǝdǝrli münasibǝt bildirmǝkdǝnsǝ, bu hadisǝlǝri doğru şǝkildǝ analiz edib bu kimi hadisǝlǝrin yenidǝn yaşanmaması üçün bunlardan dǝrs almağın vacibliyini vurğuladılar.

Müǝllim vǝ tǝlǝbǝlǝrin geniş iştirakı ilǝ keçirilǝn tǝdbirdǝ 20 Yanvar hadisǝlǝri ilǝ bağlı videoçarx da nümayiş etdirildi. Bundan ǝlavǝ, hadisǝlǝrin canlı şahidi olmuş müǝllimlǝr dǝ öz xatirǝlǝrini bölüşdülǝr.