Türkiyənin məşhur “Anadolu” xəbər agentliyi 2023-cü il yanvarın 17-də Xəzər Universitetinin Tarix və arxeologiya departamentinin müdiri, tarix üzrə fəlsəfə doktoru Telman Nüsrətoğlu haqqında yazı dərc edib. Yazıda Türkiyə Respublikasının 1992-ci ildə “Böyük Öğrenci Projesi” adlı layihə çərçivəsində Azərbaycandan Türkiyəyə göndərilən ilk tələbələr arasında yer alan T.Nüsrətoğlunun 2016-cı ildə İstanbul Universiteti Ədəbiyyat fakültəsinin Tarix bölümündə doktorluq elmi dərəcəsi aldığı vurğulanır.

Yazıda, həmçinin, alimin Türk İslam Araşdırma Mərkəzinin düşüncə qurumunun rəhbəri, Xəzər Universitetinin Tarix və arxeologiya departamentinin müdiri olduğu da qeyd edilmişdir.

Yazıda T.Nüsrətoğlu ilə müsahibəyə də yer ayrılmışdır. Alim Türkiyə ilə Azərbaycan arasında “Bir millət – iki dövlət” prinsipləri ilə yaranan qardaşlıq münasibətlərinin “Şuşa bəyannaməsi” ilə hərtərəfli şəkildə daha da inkişaf etməkdə olduğunu vurğulamışdır.