2023-cü il yanvarın 9-da Bakı Biznes Universitetinin koordinatorluğu ilə “Azərbaycanda Rektorlar Konfransının yaradılması” (ECAR) adlı Erasmus+ layihəsi çərçivəsində Elmi işlər üzrə komitənin ilk onlayn iclası keçirilib. Avropa Komissiyasının maliyyə dəstəyi ilə icra edilən və Xəzər Universitetinin də tərəfdaş olduğu layihənin təlimində tərəfdaş universitetlərin nümayəndələri də iştirak edib. Görüş onlayn formatda keçirilib.

İclasda komitə üzvləri ilə tanışlıq, sahə üzrə ilkin müzakirələrin aparılması, komitənin funksiyaları, komitə sədrliyinə namizədliyə dair tələblər, həmçinin idarə heyəti və sədrinin seçilməsi qaydaları müzakirə olunub.

Səsvermə əsasında İdarə heyətinin sədri və müavinləri seçilib.

Qeyd edək ki, ECAR layihəsi çərçivəsində yaradılacaq Azərbaycan Rektorlar Konfrasının tərkibində 5 komitənin – Beynəmiləlləşmə üzrə, Tədris işləri və keyfiyyət təminatı üzrə, Elmi işlər üzrə, Strateji inkişaf üzrə və Tələbə və məzunlarla iş üzrə komitələrin fəaliyyəti də nəzərdə tutulub.