2022-ci il dekabrın 27-də Xəzər Universitetinin İngilis dili və ədəbiyyatı departamentinin dissertantı Cəmilə Ağamalıyevanın 5714.01 – Müqayisəli-tarixi və müqayisəli-tipoloji dilçilik ixtisasında filologiya üzrə fəlsəfə doktoru elmi dərəcəsi almaq üçün təqdim etdiyi dissertasiya işinin müzakirəsi keçirildi. İclasa İngilis dili və ədəbiyyatı departamentinin müdir əvəzi fil.f.d. Milana Abbasova sədrlik etdi. Dissertantın elmi rəhbəri AMEA Nəsimi adına Dilçilik İnstitutu Tətbiqi dilçilik şöbəsinin baş elmi işçisi fil.e.d., dos. Nəriman Seyidəliyev, elmi məsləhətçisi isə ADU-nun İngilis dilinin qrammatikası kafedrasının dosenti fil.e.d. Şəfaqət Mahmudovadır.

Müzakirələrdə Xəzər Universitetinin əməkdaşları ilə yanaşı, Azərbaycan Dillər Universitetindən, Slavyan Universitetindən, AMEA Nəsimi adına Dilçilik İnstitutundan da gələn dilçilər iştirak etdilər.

Müzakirənin nəticəsində dissertant iclasın iştirakçılarının müsbət rəyini alaraq, müdafiənin növbəti mərhələsinə buraxıldı.