Azərbaycan Gənclər Fondu, Gənclərin Maarifləndirilməsinə dəstək İctimai Birliyi və 3sual.az (İntellektual Oyunlar üçün Sual Bazası) tərəfindən keçirilən "Tələbələrin İntellekt Festivalı" adlı yarışda Xəzər Universitetini təmsil edən "BoomShakaLaka" komandası 3-cü yeri tutub.
Xatırladaq ki, yarışa 10-dan çox universitet qatılmışdı. Yarışın ilk mərhələsində Gəncə, Naxçıvan və Bakı şəhərində yerləşən universitetlərdə universitetdaxili 7 həftəlik "Tələbə Liqası" adlı turnir keçirilmişdi və ilk 2 yeri qazanmış komanda final mərhələsinə göndərilmişdi. Universitetdaxili yarışın qalibi məhz "BoomShakaLaka" komandası olmuşdu. Komandanın heyəti: Bəhruz Şabılı (Kompüter mühəndisliyi, M2), Nuranə Şabılı (Biologiya müəllimliyi, 2-ci kurs), Hüseyn Heydərli (Kompüter elmləri, 2-ci kurs), Fuad Əmrəliyev (İqtisadiyat, 2-ci kurs), Xədicə Abbaslı (Psixologiya, 3-cü kurs) və komandanın kapitanı İsmayıl Adıgözəlov (Regionşünaslıq, 3-cü kurs).
Tələbələri təbrik edir, yeni uğurlar arzulayırıq.