Xəzər Universitetinin Humanitar, təhsil və sosial elmlər fakültəsinin dekanı dos. Elza Səmədova ERASMUS+ proqramı çərçivəsində 2022-ci il dekabrın 26-30-da Türkiyənin Ankara şəhərində yerləşən Gazi Universitetində mübadilə proqramında iştirak etmişdir.
Proqram çərçivəsində Təhsil fakültəsində “Öyrətmə və Öyrənmə: Necə Öyrətməli” mövzusunda seminar verilmişdir. Eyni zamanda, universitetin kurikulumların hazırlanması, xüsusi təhsil, ibtidai sinif müəllimliyi, tarix və coğrafya müəllimliyi depaertamentlərində əməkdaşlıq qurulması, ortaq layihələrin və akademik tədqiqatların hazırlanması, kurikulumların yenilənməsi mövzularında görüşlər keçirilmişdir.
Universitetin prorektoru Prof. Dr.Yücel Gelişli ilə Xəzər Universiteti və Gazi Universiteti arasındakı əməkdaşlığın gələcək perspektivləri müzakirə edilmişdir.
Səfər çərçivəsində Hacəttəpə Universiteti Təhsil fakültəsi və Ərciyəs Universiteti Avrasya Araşdırmaları və Ədəbiyyat fakültələrində də işgüzar görüşlər təşkil olunmuşdur.