2022-ci il dekabrın 24-də İngilis dili və ədəbiyyatı departamenti tərəfindən “Power of Drama” müsabiqəsi keçirildi. Müsabiqədə “Dorian Qreyin portreti” və “Drakula” romanlarının səhnələşdirilmiş versiyaları İqtisadiyyat və menecment fakültəsinin və Təbiət elmləri və mühəndislik fakültəsinin tələbələri tərəfindən İngilis dili və ədəbiyyatı departamentinin müəllimi Leyla Cumayevanın mentorluğu ilə tamaşaya qoyuldu. Bununla yanaşı Humanitar, təhsil və sosial elmlər fakültəsinin tələbələri İngilis dili və ədəbiyyatı departamentinin müəllimi Oluwasei Sodia`nın mentorluğu ilə “Sindirella” və departamentin müəllimi Rana Özen`in rəhbərliyi altında “Kimyagər” romanının səhnələşdirilmiş variantlarını nümayiş etdirdilər.
Bütün ədəbi əsərlərin səhnələşdirilməsi zamanı tələbələrin çıxışları tamaşaçılar tərəfindən alqışlarla qarşılandı. Sonra İngilis dili və ədəbiyyatı departamentinin əməkdaşları Hüseynağa Rzayev, Kəmalə Əsgərova, Firəngiz Nəsirova, Nailə Qasımova, İlham Tağıyev, o cümlədən departament müdiri vəzifəsini icra edən Milana Abbasova və malayziyalı Həmzə Həsəndən ibarət münsiflər heyəti tələbələrin çıxışlarını qiymətləndirdi. Səsvermə nəticəsində “Dorian Qreyin portreti” tamaşası və onu ifa edən İqtisadiyyat və menecment fakültəsinin tələbələri qalib elan edildi.
Bundan əlavə, səsvermə zamanı müxtəlif nominasiyalar üzrə qaliblər də müəyyən olundu:
Aktyorluq üzrə mükafat Şaesta Malekan`a (Humanitar, təhsil və sosial elmlər fakültəsi); Xarakterin inkişafı üzrə Minayə Hacızadəyə (İqtisadiyyat və menecment fakültəsi); Səs keyfiyyətində mükəmməlliyə Rəvan Əlizadəyə (Təbiət elmləri və mühəndislik fakültəsi); Hərəkət mükəmməlliyinə görə Afaq Mustafazadəyə (Humanitar, təhsil və sosial elmlər fakültəsi);.Şərhdə mükəmməlliyə görə Həvva Şahbazovaya (İqtisadiyyat və menecment fakültəsi); Artikulyasiyada mükəmməlliyə görə Hüseyn Dadaşova (İqtisadiyyat və menecment fakültəsi); Xarakter münasibətlərində mükəmməlliyə görə Fatimə Əliyevaya (Humanitar, təhsil və sosial elmlər fakültəsi); Tamaşaçıların məlumatlandırılmasında mükəmməlliyə görə Ayət Bəşirzadəyə (İqtisadiyyat və menecment fakültəsi); Ən yaxşı hekayəçi mükafatı Nurcan Qazizadəyə (Humanitar, təhsil və sosial elmlər fakültəsi) verildi.
Tədbir iştirakçıları müsabiqə qaliblərini təbrik etdilər.