2022-ci il dekabrın 26-da Humanitar, təhsil və sosial elmlər fakültəsinin Tarix müəllimliyi ixtisasının tələbələri Tarix və arxeologiya departamentinin müəllimi Kəmalə Mustafayevanın rəhbərliyi ilə Nəriman Nərimanovun xatirə muzeyinə səfər ediblər.

Muzeyin əməkdaşı, böyük elmi işçi İradə Əliyeva tərəfindən tələbələrə 4 otaqdan - yemək, həkim kabineti, qonaq və yataq otaqlarından ibarət ekspozisiyalar və N.Nərimanovun ədib, maarifçi, həkim, publisist, diplomat və dövlətin ictimai-siyasi xadimi kimi fəaliyyəti haqqında geniş məlumat verilmişdir. Xatirə muzeyində gördükləri tələbələrin xüsusi diqqəti və marağı ilə qarşılanmışdır.

Nəriman Nərimanovun qardaşı nəticəsi və muzeyin təsisçisi Kamilə Hüseynova tələbələrə N. Nərimanovun “Ucqarlarda inqilabımızın tarixinə dair” kitabını hədiyyə etmişdir.