2022-ci il dekabrın 17-də AzETA (Azərbaycan Respublikası İngilis Dili Müəllimləri Birliyi) Gəncə “Dünya” Məktəbində birliyin Samux filialının rəhbəri Aidə Elyazova və Gəncə “Dünya” Məktəbinin koordinatoru Aslan Quliyevin təşkilatçılığı ilə regional konfrans keçirib. Konfrans öyrədici, eyni zamanda mübadilə xarakterli olub.
Konfransda Bakı, Bərdə, Gəncə, Göygöl, İsmayıllı, Mingəçevir, Qəbələ, Samux, Şirvan, Sumqayıt, Şəki, Yevlaxdan olan 120-dək müəllim iştirak edirdi.
Konfransın açılış mərasimində çıxış edənlər bu cür konfransların müəllimlərin peşəkar inkişafında rolunu vurğulayıblar.
Sonra qonaq qismində dəvət olunan Jeimy Maldonado xarici dilin erkən yaşlarda öyrənilməsi və AzETA Bərdə filialının rəhbəri Tofiqə Məmmədova uğurlu layihələrin yazılışı mövzusunda plenar məruzə ilə çıxış ediblər. Sonra konfrans öz işini sessiyalarda davam etdirib.
Konfransın sonunda ailəsi ilə Gəncədə yaşayan və işləyən kolumbiyalı Diyeqo gitarada öz milli mahnılarını ifa edib.