Erasmus+ Jean Monnet Module layihəsi çərçivəsində tədris olunan fənnin izləyiciləri “İqlim haqqında Avropa Qanunu”nun qəbulu üzrə müzakirələrin simulyasiyasını həyata keçirmişdir.

Onlayn şəkildə təşkil edilən simulyasiya oyunlarında tələbələr Avropa Komissiyası tərəfindən təklif edilən qanun layihəsinin Avropa Parlamenti və Avropa İttifaqı Nazirlər Şurasında simulyasiyasını həyata keçirmişdir.

Qanun layihəsinin birinci oxunuşunda tələbələr Avropa Parlamentinin siyasi qruplarına bölünərək təklif edilən qanun layihəsinin müzakirəsini həyata keçirmiş, qanun layihəsinə müvafiq düzəlişlər təklif etmişdir.

Avropa Parlamentində təşkil edilmiş oxunuşdan sonra tələbələr Avropa İttifaqı Nazirlər Şurasında təklif edilən qanun layihəsinin müzakirəsini həyata keçirmişdir. Portuqaliyanın sədrliyi ilə keçirilən Avropa İttifaqı Ətraf mühit nazirlərinin görüşü də öz növbəsində təklif edilən qanun layihəsinə öz düzəlişlərini təklif etmişdir.

İki oxunuşda razılığa gələ bilməyən Avropa Parlamenti və Avropa İttifaqı Nazirlər Şurası sonuncu, 3-cü oxunuşda qanun layihəsini qəbul edə bilmişdir.